De veursjtellingen van 2024 zitten de weer op! En waat waas ut ein genot.
- Alle oetveuringen helemaol oetverkoch
- Hele fijne reacties trök gekrege van de bezeukers
- Zieke sjpelers waat heel jaomer is maar waanzinnig good opgevange.
Ut sjtuk Waat eine ‘poppekas’! waerde opgeveurd op 16, 17, 22 en 23 maart. Òs decorboewers haaje weer ein geweldige decor neergezat, de catering de heerlikke vlaaie en de sjmink weer de sjoonste creaties! De mannen van ut geluid en leeg haaje alles good veurbereid zodet dao euver gein zörg ware. Dit alles is neet meugelik zonger òs sjponsore! Dank aan allen!
Waat eine poppekas in hoes biej Sjors (Wiel) en Els (Marian) Hamers. Sjors haaj same mit ziene vrunjtelikke vrunjd Simon (Caspar) ut idee opgepak om de zolder op te ruume om plaats te make veur ein sjoon biljaar! De baby-sjpulkes motte plaats maken zonger euverlik mit Els. Ongertösse komme twee nonnen mit neet zo’n hemelse ideeën (Lieke en Gerrie) op bezeuk. Net wanneer de ruig en good gebekte alarm-monteur (Mieke) wirkzaamheden mot doon aan ut alarmsysteem. Det kin neet angers det ein zeer lollige agente (Judith) mot aantraeje om dit allemaol op te lossen. Waem haet de sjpulkes gesjtaole? De gek-op-geldj- psychologe (José) die de henj vol haet aan de o-zo eenzame en fragiele zus van Els (Nicole). Bliej det ut hoes good geleid waert door de tuinman mit gooj auge en oren (Ad) dae meer in hoes is es in de tuin én ‘pitbull’ Ans, de hoeshaajster, zörgelik veur ederein! Oeteindelik brach de plaatselikke sjtielvolle juwelier (Monique) de oplossing. En de baby sjpulkes die wegwaore, moste trök mer koste weer weg?!??
Oh jao; neet vergaete; de agente (vriedaag) en de juwelier (zaoterdaag) ware efkes good krank. Dees rolle zeen mit glans euvergenaome door Mariëtte. Bliej det veer zo’n lid in òs team höbbe.
Òze nuuje regisseur Maria Smeets haet good werk verzat!
De foto’s kint geer bekieke biej Oetveuringe.