Veursjtellingen 2023 groot succes

De veurjstellingen zitten er weer op! Nao eine geslaagde try-out op donderdaag 16 maart volgenden 2 weekenden ‘volle bak’. Tot sjlot op zondaag ein aafsjloeting veur de Zonnebloem! Ut waren fantastische aovenden mit hertvermermende reacties. 

Naodet in mei 2022 de veursjtellingen van ‘Aangenaam Chantal!!’ haaje plaatsgevonje en de vakansies achter de ruk ware, is de sjpelersgroep onger de bezielende leiding van Tilly Agouzoul begòs aan ut rippetere van ut nuuje sjtök ‘Pak ut koffer maer weer oet, sjat!!’. Binnen 27 (!) waeke, onderbraoke door kerst/nuujjaor en de vastelaovend, haaje ze ut sjtök onger de knie.

De decorboewers höbbe auch in ut naojaor mit väöl toewijding weer ut neudige gereidsjap in de henj gepak om ein sjoon bühn neer te zitte.

 

Harry de ober (Yoran), Peter de kok (Ad), Monica de receptioniste (Nicole) en Maria de interieurverzorgster zorgden veur ein zorgeloos verblief veur de gasten. De monteur, ‘de vonkentrekker’ (Lieke) fikste efkes de aove. De zussen Jo (ut geit wiej ut geit, Gerrie), Marie (Mariëtte), Sjaan (Karin) waren leef en begripvol veur elkaar. Robertus de bankemployee (waat verder totaal helemaol nieks oetmaak veur ut sjtök, Wiel) haaj zien henj vol mit zien vriendin Corina (Judith) en mit zien neet väöl eisende secretaresse Julia (Marian). Gelökkig waas zien vrouw Agnes (Lieke) begripvol. Ida de kunstenares (José) waas helemaol ‘zen’ mit häör werk, de omgaeving én mit häöre kinnis Kees de jogger (Wiel) dae op ut verkeerde moment nao ‘ut huuske’ mos.

Veer kieke trök op eine intensieve mer mooie tied! Dank aan de bezeukers veur de lach en ut applaus en de sjponsoren veur heur ongersjteuning.